เนื้อเพลง ปากเลิกง่ายใจเลิกยาก – เล็ก ภูสน

บ่แม่นงานเลี้ยงเด้อความฮัก 
ที่น้องสิอยากเลิกกันยามได๋กะได้
ก่อร่างสร้างฮักทนลำบากมานานเท่าใด
พ้อเขาแล้วบอกเลิกง่ายๆอ้ายว่าบ่ยุติธรรม

เมื่อน้องควงเขามาบอกเลิกอ้าย
เฮ็ดหยังบ่ได้ อ้ายเลยตกปากรับคำ
ลืมคิดเผื่อใจถ้าเจ้าไปแล้วมันต้องช้ำ
มือก่ายหน้าผากทวนคำ อยากกลับลำไปเว่าคำใหม่

ปากเลิกง่าย แต่หัวใจมันเลิกยาก
กลิ่นของความฮัก ใช้น้ำยาซักก็ยังบ่หาย
ภาพเก่าคอยย้ำ อ้ายเลยทำคือเว่าบ่ได้
เลิกกันเพียงพฤตินัย พฤติกรรมใจอยากคืนหาเจ้า

บ่เเม่นงานเลี้ยงเด้อความฮัก
ได้สมใจอยาก กะจากอ้ายไปหาเขา
อยากให้เจ้าฮู้ว่าตอนนี้คึดฮอดแต่เจ้า
เลิกกันแต่ปากดอกสาว แต่หัวใจอ้ายลืมบ่ลง