ฟังเพลง เพลงฮักโขงชีมูล – รวมศิลปิน (ฟังเพลงเพลงฮักโขงชีมูล) – เนื้อเพลงสุดฮอต

—————————————————————————————-

(เกริ่น) โอ โอ้ละหนอ โขง ชี มูลแม่เอย

ยังไหลเอื่อย บ่มีพัก บ่มีเหนื่อยมาเนิ่นนาน

โอ้มาลาดวงดอกไม้ ร้อยรวมใจคนอีสาน

ลำนำพิณแคนยังขับขาน สายน้ำตำนานคนบ้านเฮา

โอ้แม่น้ำของ เป็นน้องเป็นพี่

น้ำมูล น้ำชี ชุบชีวีผักปลานาข้าว

ความฮักความดี ฮีตประเพณีผูกพันนานเนา

ความหวังพลังหนุ่มสาว สร้างแปงบ้านเฮาวันนี้

โอ้ละหนอ น้ำโขง น้ำมูล น้ำชี

โขงไหลมา สบตากับลำน้ำมูล

น้ำใจไออุ่น หลั่งไหลบ่เคยหน่ายหนี

แก้มใสใส สาวงามลุ่มลำน้ำชี

ถึงคนละสายนที เป็นน้องเป็นพี่บ่มีแนวกั้น

คนอีสานเบิ่งตาก็พอฮู้ใจ

ไปทำงานหากินเมืองไกล อยู่ไสบ่ป๋าถิ่มกัน

ฮักกันไว้เด้อ หมู่เฮาชาวนักล่าฝัน

สู้บ่ไหวให้โงคืนบ้าน ว่ายทวนสายธารถิ่นโขงชีมูล

ว่ายทวนสายธารถิ่นโขงชีมูล

มาซุกไออุ่น อ้อมกอดแผ่นดินแผ่นน้ำ

วิถีงดงาม น้ำใจบ่มีเสื่อมศูนย์

ฟังเสียงปลาบ้อน อยู่ในลำโขงชีมูล

ผักขะแยงยังคงหอมกรุ่น ปลาแดกในไหมีให้กินทั้งปี

เสียงโหวด แคน พิณ เอิ้นขวัญคนคืนถิ่นวันนี้

หอบฝันเมือบ้าน เวียกงานให้เฮ็ดพอมี

มนต์ฮักแห่งสายนที ชั่วนาตาปีคู่ลำโขง ชี มูล

ชั่วนาตาปีคู่ลำโขง ชี มูล

—————————————————————————————-